सातारा शहरातील कुप्रसिद्ध लल्लन गॅंग विरुद्ध मोक्का कायद्याअन्वये कारवाई.

प्रतिनिधी : सातारा परिसरातील वाढत्या गुन्हेगारीवर लक्ष केंद्रित करून सराईत गुन्हेगार टोळीची दहशत निर्माण करून आर्थिक व इतर फायद्याकरता संघटितपणे गुन्हे करणाऱ्या कायद्या गुन्हेगारांविरुद्ध महाराष्ट्र संघटित गुन्हेगारी नियंत्रित अधिनियम मोक्का अन्वये प्रभावी कारवाई करण्याबाबत जिल्हातील पोलीस ठाणे प्रभारी अधिकारी व पोलीस निरीक्षक स्थानीक गुन्हे शाखा सातारा यांना समीर शेख पोलीस अधीक्षक सातारा व ऑचल दलाल अप्पर पोलीस अधीक्षक सातारा यांनी सूचना दिल्या होत्या.

साताऱ्यातील प्रतापसिंह नगर खेड परिसरातील फिर्यादी हे त्यांच्या घरी झोपले असताना टोळी प्रमुख १) अजय उर्फ लल्लन जाधव व टोळी सदस्य २) राजू उर्फ बंटी नवनाथ लोमटे ३) ओंकार भारत देढे ४) विकास रमेश खुडे ५) ऋत्विक उर्फ रोहित लक्ष्मण उकिडे ६ ) मधुरमा दत्तात्रय जाधव ७) अनिता दत्तात्रय जाधव ८) दत्तात्रय उर्फ गदऱ्या काशिनाथ असोरे ९) जय अमर कांबळे १०) सुनील सुखदेव वाघमारे ११) मच्छिंद्र उर्फ टकल्या भागवत बोराटे १२) किरण नागनाथ उकिरडे १३) सागर रामा खुडे १४) विजय उर्फ बबल्या जाधव १५) पम्मी उर्फ पमिता दत्तात्रय बोराटे उर्फ जाधव १६) सुनिता दत्तात्रय जाधव सर्व रा. प्रतापसिंह नगर खेड ता.जि.सातारा

यांनी एकत्र मिळून हातात तलवारी, कोयते, लाकडी दांडगी घेऊन फिर्यादीच्या घरावर दगडफेक करून फिर्यादीच्या घराचा दरवाजा तोडून आत प्रवेश करून फिर्यादीच्या मनात लज्जा उत्पन्न होईल असे वर्तन करून फिर्यादीच्या पोटात तलवार भोकसून फिर्यादीत जखमी केले तसेच टोळीप्रमुख व टोळी सदस्यांनी तलवारी कोयते लाकडी खेड सातारा येथे दहशत माजवत गाड्यांच्या काचा फोडून नुकसान करून टोळी प्रमुख अजय उर्फ लल्लन जाधव याने मी प्रतापसिंह नगरचा दादा आहे माझ्या नादाला लागला तर जिवंत सोडणार नाही असे म्हणून तसेच केली. म्हणून फिर्यादी यांनी सातारा शहर पोलीस ठाण्यात गुन्हा नोंद केला होता.

सदर गुन्ह्याच्या तपासामध्ये टोळीप्रमुख अजय उर्फ लल्लन जाधव रा. प्रतापसिंह नगर खेड ता. जि.सातारा व त्यांच्या साथीदारांनी टोळीची दहशत निर्माण करून आपले आर्थिक व इतर फायद्या करता संघटितपणे गुन्हे केलेले असल्याचे निष्पन्न झाल्याने पोलीस निरीक्षक राजेंद्र मस्के सातारा शहर पोलीस ठाणे यांनी नमूद टोळी विरुद्ध दाखल असलेल्या गुन्ह्याची माहिती संकलित केली असता त्यांच्यावर जुलमी जबरदस्ती करून हिंसाचाराची धमकी देऊन किंवा अन्य अवैद्य मार्गाने दहशत व बळाचा वापर करून खुणाचा प्रयत्न करणे, खंडणी मागणे, चोरी करणे, दरोडा टाकणे, दरोड्याची तयारी करणे, घरफोडी, शासकीय कामात अडथळा आणणे विनयभंग करणे, बलात्कार करणे, दुखापत करणे, अपहरण, गर्दी मारामारी, हद्दपारी आदेशाचे उल्लंघन करणे, शिवीगाळ करणे, दमदाटी करणे, अशा प्रकारचे गंभीर स्वरूपाचे गुन्हे दाखल असल्याने सदर आरोपी विरुद्ध महाराष्ट्र संघटित गुन्हेगारी नियंत्रण अधिनियम कोल्हापूर यांच्याकडे मोका अंतर्गत प्रस्ताव सादर केला.

मा. सुनील फुलारी विशेष पोलीस महानिरीक्षक कोल्हापूर यांनी सदर घटनेची पडताळणी करून सदर गुन्हेगारांची वाढती दहशत मोडीस काढून सामान्य जनतेच्या मनातील भीती नष्ट करण्यासाठी सदर टोळी विरुद्ध दाखल असलेल्या गुन्ह्यांची कागदपत्रांची अवलोकन करून मोक्का प्रस्तावाची पडताळणी करून सदर गुन्ह्यास मोक्का कायद्यान्वये कलम वाढ करण्याची परवानगी देऊन गुन्ह्याचा पुढील तपास राजीव नवले उपविभागीय पोलीस अधिकारी सातारा यांच्याकडे देण्यात आलेला आहे.

माहे नोव्हेंबर 2022 पासून १० मोक्का प्रस्तावामध्ये १२८ इसमाविरुद्ध मोक्का कायद्याअंतर्गत कारवाई केली असून १०१ इसमाविरुद्ध हद्दपार करण्यात आलेले आहे. तसेच भविष्यातही सातारा जिल्ह्यातील सर्व गुन्हेगारांच्या विरुद्ध मोक्का, हद्दपारी, MPDA अशा प्रकारच्या कठोर कारवाई करण्यात येणार आहे.

मोक्का प्रस्ताव मंजुरी करता समीर शेख पोलीस अधीक्षक सातारा व ऑचल दलाल अप्पर पोलीस अधीक्षक सातारा, यांच्या मार्गदर्शनाखाली राजीव नवले उपविभागीय पोलिस अधिकारी सातारा, अरुण देवकर पोलीस निरीक्षक स्थानिक गुन्हे शाखा सातारा, पोलीस निरीक्षक राजेंद्र मस्के सातारा शहर पोलीस ठाणे, सपोनी नितीन केनेकर सातारा शहर पोलीस ठाणे, पो हवा अमित सपकाळ, देशमुख, संदीप पवार, प्रसाद जाधव, मपोना पद्मिनी जायकर, सुनिता देकने, पो. कॉ. अमोल सापते, रोहित पवार, अजित फरांदे, श्रीकांत बामणे सातारा शहर पोलीस ठाणे या पोलिसअमलदारांनी मोक्का कारवाई करता सहभाग घेतला होता.