विद्यार्थ्यांकरिता महापुरुषांचा विचार आणि वारसा गुरुस्थानी – अजित जाधव 

संपादक: दिलीप वाघमारे

लोणंद : विद्यार्थ्यांकरिता पालक गुरुजन आणि महापुरुषांचा विचार व वारसा गुरुस्थानी असल्याचे प्रतिपादन अजित जाधव यांनी केले.त्यागमूर्ती रमाई आंबेडकर यांच्या 128 व्या जयंतीनिमित्त जिल्हा परिषद शाळा मुली लोणंद येथे अभिवादन कार्यक्रम प्रसंगी प्रतिपादन केले.

सुजन फाउंडेशन व पुण्यश्लोक अहिल्यादेवी होळकर त्रिशताब्दी जयंती महोत्सव समिती यांच्यावतीने त्यागमूर्ती रमाई आंबेडकर 128 वी जयंतीआणि पुण्यश्लोक अहिल्यादेवी होळकर त्रिशताब्दी जयंती साजरी करण्यात आली.

याप्रसंगी त्यागमूर्ती रमाई आंबेडकर व पुण्यश्लोक अहिल्यादेवी होळकर यांच्या प्रतिमेचे पूजन करण्यात आले कार्यक्रमाचे प्रास्ताविक नवनाथ क्षीरसागर यांनी केले. सुजन फाउंडेशन यांच्या वतीने क्रांतीज्योती सावित्रीबाई फुले, राजमाता जिजाऊ, पुण्यश्लोक आहिल्याबाई होळकर व रमाई या जीवन चरित्र पुस्तिकेचे विद्यार्थ्यांना वाचन चळवळ सुदृढ करण्यासाठी वितरित करण्यात आले . जि प मुलींची शाळा यांना अजित जाधव अध्यक्ष सुजन फाउंडेशन यांच्यावतीने भारतीय संविधान अमृत वर्षा निमित्ताने संविधान प्रस्ताविके प्रस्ताविका भेट देण्यात आली.

मुख्याध्यापिका सौ. छाया क्षीरसागर यांनी जयंतीच्या निमित्ताने मुलांना वाचनाचे आवड निर्माण होण्यासाठी तसेच वाचन चळवळ वृद्धिंगत होण्यासाठी सुजन फाउंडेशनच्या कार्याचे विशेष कौतुक केले.

याप्रसंगी सौ मृणाल जाधव, सौ स्वाती सरक, सौ सारिका ढेंबरे, वनस्थळी कार्यकर्त्या रजनीताई शिंदे, पत्रकार निखिल राऊत उपस्थित होते. जिल्हा परिषद जि प मुलींची शाळा लोणंदचे उपशिक्षक श्री गणेश कांबळे यांनी सुजन फाउंडेशन व अजित जाधव यांच्या माध्यमातून थोर महापुरुषांचे विचारांच्या प्रसार कार्याचे अभिनंदन केले तसेच उपस्थितांचे आभार मानले.