रिपब्लिकन सेना भोर–राजगड (वेल्हा) ची कार्यकारिणी बैठक संपन्न

मंगेश पवार

भोर:-  रविवार दि. 2 नोव्हेंबर 2025 रोजी दुपारी ठीक 2 वाजता कापूरहोळ येथे रिपब्लिकन सेना भोर–राजगड (वेल्हा) यांची कार्यकारिणी बैठक उत्साहात पार पडली.

या बैठकीस रिपब्लिकन सेना पुणे जिल्हा अध्यक्ष मा. श्री. दीपक भाऊ जगताप विशेष उपस्थित होते. त्यांनी पक्ष बांधणी, संघटन विस्तार व आगामी जिल्हा परिषद व पंचायत समिती निवडणुका या पार्श्वभूमीवर मार्गदर्शन केले. निवडणुकीसंदर्भात साधक-बाधक चर्चा होऊन आगामी रणनीती ठरविण्यात आली.

बैठकीस मा. किशोर अमोलिक (भोर-वेल्हा-मुळशी विधानसभा अध्यक्ष), सतीश अडसूळ (भोर तालुका अध्यक्ष), तानाजी गायकवाड (वेल्हा-राजगड तालुका अध्यक्ष), मारुती गायकवाड (उपाध्यक्ष वेल्हा-राजगड), दत्तात्रेय जगताप (युवा अध्यक्ष वेल्हा-राजगड), बापूसो कांबळे (संघटक भोर तालुका) तसेच दिलीप गायकवाड, संपत गायकवाड व तालुक्यातील इतर कार्यकर्ते मोठ्या संख्येने उपस्थित होते.

बैठकीत संघटन मजबूत करण्याचा निर्धार सर्व पदाधिकारी व कार्यकर्त्यांनी व्यक्त केला.

रिपब्लिकन सेना भोर–राजगड (वेल्हा)