आंबवडे येथे वाद निर्माण होऊन तरुणाचा मृत्यु! ढाब्यावर मध्यपान करताना

कार्यकारी संपादक : सागर खुडे

भोर : भोर तालुक्यातील आंबवडे येथील एका ढाब्यावर मित्रांबरोबर मद्यपान करत असताना वाद निर्माण होऊन झालेल्या झटापटीत एकाचा संशयास्पद मृत्यू झाल्याची घटना सोमवारी (दि. २२ जुलै) सायंकाळी घडली. तुषार शिनगारे (वय ३९ वर्ष, रा. कर्नावड, ता. भोर) असे मृत्यू पावलेल्या तरुणाचे नाव आहे.
मिळालेल्या माहितीनुसार, मयत तुषार शिनगारे व त्याचे दोन मित्र हे आंबवडे गावातील एका ढाब्यावर मद्यपान करत बसले होते. मद्यपान करता करता तुषार आणि त्याच्या दोन मित्रांमध्ये वाद निर्माण झाला वादाचे रुपांतर हाणामारी मध्ये झाले आणि या
झटापटीत तुषारचा मृत्यू झाल्याची माहिती प्रत्यक्षदर्शी स्थानिक ग्रामस्थांकडून ऐकायला मिळाली. घटनेची माहिती मिळताच भोर पोलिसांनी घटनास्थळी धाव घेऊन मृतदेह
ताब्यात घेत शवविच्छेदनासाठी भोर येथील उपविभागीय रुग्णालयात पाठविला आहे. तूषारच्या मृत्यूमध्ये घातपात झाल्याचा संशय व्यक्त केला जात असून भोर पोलिसांनी मद्यपान करणाऱ्या इतर दोघांनाही ताब्यात घेतले आहे. तुषाच्या मृतदेहावर कोठेही जखमा नसल्या येत असल्याचे भोर पोलिसांनी सांगितले असून
पुढील तपास भोर पोलीस ठाण्याचे पोलीस
अंमलदार राहुल मखरे करीत आहेत.