चिखलगाव (धोंडेवाडी) येथील दुर्घटनाग्रस्त कुटुंबाला थोपटे परिवाराचा मदतीचा आधार
मंगेश पवार
भोर तालुक्यातील आंबवडे खोऱ्यातील चिखलगाव (धोंडेवाडी) येथे दिनांक १३ जुलै २०२५ रोजी रात्रीच्या सुमारास हरूबाई राजाराम आंबवले यांच्या घराला अचानक आग लागून संपूर्ण घर भस्मसात झाल्याची दुर्दैवी घटना घडली.
मा.आमदार संग्रामदादा थोपटे यांना घटनेची माहिती मिळताच त्यांनी तातडीने कार्यकर्त्यांशी संपर्क साधून मदतीचे निर्देश दिले. त्यांच्या सूचनेनुसार युवा नेते पृथ्वीराज थोपटे यांनी प्रत्यक्ष चिखलगाव येथे जाऊन कुटुंबाची भेट घेऊन गृहउपयोगी साहित्य देत धीर आणि आधार दिला.
यावेळी चिखलगाव विकास सोसायटी चेअरमन सोपानराव धनावडे, संतोष केळकर, रामचंद्र धोंडे, किसन धोंडे, सोपान धोंडे, दिनकर धनावडे, भाजप उपाध्यक्ष अर्जुन दिघे, दत्तात्रय सुतार, संपत धोंडे, रामचंद्र शिरगावकर, सोनबा धोंडे, यशवंत आंबवले यांच्यासह अनेक ग्रामस्थ उपस्थित होते.
गृहसाहित्य खाक झाल्यानंतर मिळालेल्या या मदतीमुळे हरूबाई आंबवले यांना मोठा आधार मिळाला. ग्रामस्थांनी पृथ्वीराज थोपटे व मा.आमदार संग्रामदादा थोपटे यांचे मनःपूर्वक आभार मानले.
