केंद्र सरकारने पूजा खेडकरांची केली हकालपट्टी; सेवा तात्काळ समाप्तीचा आदेश जारी, पूजा खेडकरने अखेर नोकरीही गमावली, शाही थाटात वागणे पडले महागात..?

संभाजी पुरीगोसावी

पुणे : आपल्या नेहमीच शाही थाटामुळे आणि बेकायदेशीर कृत्यामुळे वादग्रस्त ठरलेल्या पूजा खेडकरांवर केंद्रीय लोकसेवा आयोगाने कारवाई केली होती, त्यानंतर आता केंद्र सरकारने ही पूजा खेडकरला चांगलाच दणका दिला आहे, त्यांना भारतीय प्रशासकीय सेवेतून मुक्तता करण्याचा निर्णय घेतला आहे, परिविक्षाधीन अधिकारी असलेल्या पूजा खेडकरांची काही महिन्यांपूर्वी पुणे जिल्हाधिकारी कार्यालयात नियुक्ती झाली होती, त्यावेळी तिच्या शाही थाटासह वरिष्ठ अधिकाऱ्यांशी अरेरावी कृत्यांमुळे ती चांगलीच चर्चेत आली होती, तसेच आपल्या खाजगी कारवरही लाल दिवा लावून फिरणाऱ्या पूजा खेडकरांची अनेक बेकायदेशीर कृत्ये समोर आली होती, त्यात बनावट प्रमाणपत्र आणि नाव बदलून नियमांचे उल्लंघन करीत तिने अनेकदा युपीएससी ची परीक्षा दिल्याचेही समोर आलं होते, या सर्व प्रकरणानंतर केंद्रीय लोकसेवा आयोगाने चौकशी सुरू केली होती, त्यानंतर आता पूजा खेडकराला मोठा दणका दिला आहे, तिची भारतीय प्रशासकीय सेवेतून मुक्तता करण्याचा निर्णय केंद्र सरकारकडूंन घेण्यात आला आहे, दरम्यान आपल्या उर्मट वागणुकीमुळे आणि अधिकाऱ्यांशी अरेरावी केल्यामुळे पूजा खेडकर या चांगल्याच चर्चेत होत्या, अखेर आपल्या शाही थाटात वागणाऱ्या पूजाला आपली नोकरीही गमवावी लागली आहे.