भोर तालुक्यातील २वर्षीय चिमुरडीवर झालेल्या अत्याचार निषेधार्थ राष्ट्रवादी युवती काँग्रेस पुणे जिल्हाध्यक्षा यांसकडून राजगड पोलिसांना निवेदन जारी…

संपादक: मंगेश पवार

कार्यकारी संपादक: सागर खुडे

भोर तालुक्यात अवघ्या दोन वर्षीय बालिकेवर एका अल्पवयीन मुलाने लैंगिक अत्याचार केल्याची घटना घडली.पीडित बालिकेच्या आई वडिलांच्या जबाबानुसार त्यांची मुलगी वय वर्ष दोन. ही मुलगी आणि अज्ञात आरोपीचे घर शेजारी बाजूला असून संबंधित अल्पवयीन आरोपी याच्या घरी खेळण्यास जात असे मंगळवारी दि.१७सप्टेंबर २०२४रोजी पीडित मुलीची आई कपडे धुत असताना आरोपींने या मुलीला खोलीत बोलावून घेऊन आतून कडी लावून घेतली आणि तिच्यावर लैंगिक अत्याचार केले त्यानंतर तिच्या ओरडण्याचा आवाज आईच्या कानावर येताच तिच्या आईंने बंद असलेले खोलीकडे धाव घेऊन दरवाजा उघडण्याचा प्रयत्न केला मात्र आरोपीने दरवाजा उघडला नाही आणि तिच्या आईने मोठ्याने आजूबाजूला आरडाओरडा केल्यानंतर त्या मुलाने दरवाजा उघडून मुलीच्या आईला कोयत्याने जीव मारण्याची धमकी दिली,आणि तिथून त्याने संधी मिळताच पळ काढला. सदर घटना ही माणुसकीला काळीमा फासणारी असलेने या घटनेचे गांभीर्य लक्षात घेता राजगड पोलिसांनी घटनास्थळी तात्काळ धाव घेत त्याला ताब्यात घेउन त्यावर गुन्हा दाखल केला.आणि त्यानंतर कोर्टाच्या आदेशानुसार त्याची रवानगी बालसुधागृहात करण्यात आली. राष्ट्रवादी युवती काँग्रेस शरदचंद्र पवार गटाच्या पुणे जिल्हाध्यक्षा-वकील दुर्गा सीता रामदास चोरगे, भोर तालुका काँग्रेस महिला अध्यक्ष गीतांजली ताई शेटे,राष्ट्रवादी काँग्रेस पक्ष शरदचंद्र पवार महिला अध्यक्ष भोर विद्या ताई यादव तसेच महिला पदाधिकारी यांनी या विरोधात आपला निषेध व्यक्त करीत या आरोपीवर तात्काळ कठोर शिक्षा करावी, तसेच महिलांच्या आणि समस्त मुलींच्या सुरक्षिततेसाठी प्रशासनाने प्रयत्न करावे, अन्यथा अशी गेंड्याच्या कातडीचे नराधम जर कठोर शासन झाले नाही तर भविष्यात यांना कायद्याचा धाक राहणार नाही, यातून फाजील आत्मविश्वास वाढून कायदा सुव्यवस्थेला फास लावण्याचा कुप्रकार घडेल आणि तो कुठेतरी थांबावा याप्रश्नी दि.२२सप्टेंबर २०२४रोजी ग्रामस्थ महिला वर्गाच्या उपस्थितीत राजगड पोलीस ठाणे येथे कठोर कारवाई व्हावी यासाठीचे निवेदन पत्र देण्यात आले.