अर्चित चांडक यांनी अकोला जिल्हा पोलीस अधीक्षक म्हणून पदभार स्वीकारला..!! तर पोलीस अधीक्षक बच्चन सिंह जिल्ह्यात नेहमीच प्रयत्नशील राहिले, नागपूरला बदली,

संभाजी पुरीगोसावी (अकोला जिल्हा) प्रतिनिधी . अकोला जिल्ह्यातील पोलीस प्रशासनात महत्त्वाचा बदल झाला असून नव्याने नियुक्त झालेले पोलीस अधीक्षक श्री. अर्चित चांडक यांनी 23 मे. 2025 रोजी मावळते पोलीस अधीक्षक बच्चन सिंह यांच्याकडून पदभार स्वीकारला आहे, बच्चन सिंह यांची नुकतीच समादेशक राज्य राखीव पोलीस बल गट क्रमांक ४ नागपूरला बदली झाली आहे, त्यांच्या निरोप आणि नव्या अधिकाऱ्यांच्या स्वागतासाठी भव्य समारंभाचे आयोजन विजय हॉल अकोला येथे करण्यात आले होते, या समारंभास अकोला जिल्ह्यातील सर्व उपविभागीय पोलीस अधिकारी पोलीस स्टेशन प्रमुख, शाखा प्रमुख तसेच अन्य मान्यवर अधिकारी उपस्थित होते, कार्यक्रमाची सुरुवात मावळते पोलीस अधीक्षक बच्चन सिंह यांच्या स्वागताने झाली त्यांनी आपल्या मनोगतातून अकोल्यातील सहकार्य संघभावना आणि कार्यक्षम टीमच्या योगदानाबद्दल विशेष उल्लेख केला, यावेळी नूतन पोलीस अधीक्षक अर्चित चांडक यांनी आपल्या मनोगतातून संघटनशक्ती, समन्वय आणि जबाबदारी या मूल्यावर भर देत अकोल्यातील कायदा आणि सुव्यवस्था अधिक सक्षमपणे हाताळण्याचा विश्वांस व्यक्त केला या करिता सर्व अधिकारी व कर्मचाऱ्यांनी परस्पर सहकार्याने जबाबदारी पार पाडावी असे त्यांनी आवर्जून सांगितले,