“ACG कंपनीतील कर्मचारी ते कलेचे साधक – सचिन कुंभार यांच्या डेकोरेशनला शिरवळकरांचा उत्स्फूर्त प्रतिसाद”.

शिरवळ (ता. खंडाळा, जि. सातारा) येथे रहिवासी असलेले सचिन जगन्नाथ कुंभार हे गेली दहा वर्षे या ठिकाणी स्थायिक झाले आहेत. ते सध्या ACG मेटलक्राफ्ट कंपनीमध्ये कार्यरत आहेत. नोकरीसह त्यांनी कलेची आवड जोपासली असून, डेकोरेशन क्षेत्रात गेली सहा वर्षे अनुभव घेतला आहे.

गेल्या तीन महिन्यांपासून त्यांनी स्वतःच्या कल्पकतेने व मेहनतीने विविध प्रकारची डेकोरेशन तयार करण्याचा उपक्रम सुरू केला आहे. या उपक्रमासाठी त्यांना साधारण ३ ते ४ हजार रुपयांचा खर्च आला आहे. मर्यादित साधनसामग्री असतानाही त्यांनी कौशल्य, जिद्द आणि कलात्मक दृष्टीकोनातून तयार केलेले हे सजावट साहित्य गावात आणि परिसरात चर्चेचा विषय ठरत आहे.

त्यांच्या या कलागुणांना शिरवळ व परिसरातील ग्रामस्थ, मित्रपरिवार तसेच विविध सांस्कृतिक मंडळांकडून उत्स्फूर्त प्रतिसाद मिळत आहे. सचिन कुंभार यांचे डेकोरेशन आता शिरवळमधील सांस्कृतिक व धार्मिक कार्यक्रमांना नवे रूप आणि आकर्षण देत असून, त्यांच्या मेहनतीचे व कलेवरील प्रेमाचे सर्वत्र कौतुक होत आहे.

गावातील तरुणांसाठी हा उपक्रम प्रेरणादायी ठरत आहे. ‘नोकरीसोबत कला जोपासून यश मिळवता येते’, हे त्यांनी आपल्या कार्यातून दाखवून दिले आहे.