सावित्रीबाई फुले जयंतीनिमित्त आर.एस.पी. ग्रुपची सायकल रॅलीद्वारे पर्यावरण जनजागृती
मंगेश पवार
शिरवळ :- क्रांतीज्योती सावित्रीबाई फुले यांच्या १९५ व्या जयंतीनिमित्त ३ जानेवारी रोजी शिरवळ येथील सावित्रीबाई फुले इंग्लिश मीडियम स्कूलच्या आर.एस.पी. ग्रुपतर्फे सायकल रॅलीचे आयोजन करण्यात आले होते. इयत्ता सहावी ते आठवीतील ४० विद्यार्थ्यांनी या रॅलीत सहभाग घेत लोकांमध्ये पर्यावरण संवर्धनाबाबत जागृती केली.
ही सायकल रॅली सकाळी १० ते दुपारी २ या वेळेत शिरवळ ते नायगाव या मार्गावर काढण्यात आली. शिरवळ येथील सायकलपट्टू व संगणक तज्ज्ञ श्री. प्रशांत कबुले यांनी रॅलीला मार्गदर्शन करत हिरवा झेंडा दाखवून शुभारंभ केला.
नायगाव येथे रॅलीचा समारोप झाल्यानंतर उपस्थित नागरिकांनी हा उपक्रम अत्यंत उपयुक्त व प्रेरणादायी असल्याचा अभिप्राय व्यक्त केला. पर्यावरण रक्षणाचा संदेश विद्यार्थ्यांनी प्रभावीपणे दिल्याने कार्यक्रमाचे सर्वत्र कौतुक झाले.
या सायकल रॅलीत स्कूलच्या सचिव व सीईओ सौ. मधुबाला निकम, मुख्याध्यापक श्री. प्रतापराव निकम यांच्यासह सर्व शिक्षक व कर्मचारी यांनी उत्साहाने सहभाग घेतला. या उपक्रमाचे यशस्वी आयोजन स्कूलमधील शिक्षिका सौ. पल्लवी गुरबे यांनी केले.
