मुंबई- पुणे रस्त्यावर पुरंदर येथील भूमी अभिलेख कार्यालयातील महिला अधिकाऱ्याचा अपघात.
कार्यकारी संपादक : सागर खुडे
पुणे : मुंबई-पुणे रस्त्यावर खडकी रेल्वे स्थानक परिसरात भरधाव एसटी बसने मोटारीला धडक दिल्याची घटना रविवारी
(दि. २५)रोजी घडली. अपघातात मोटारीतील नुकत्याच पुरंदर तालुक्यात भूमी अभिलेख विभागातील अधिकारी महिलेचा मृत्यू झाला. अपघातात महिलेचा पती आणि मोटारचालक भाऊ, तसेच दुचाकीस्वार गंभीर जखमी झाले असून, त्यांच्यावर ससून रुग्णालयात उपचार सुरू आहेत. अपघातात एसटी बसमधील १२ प्रवासी किरकोळ जखमी झाले. मनिषा विजयसिंह भोसले (वय ४०, रा. कवठे महंकाळा, जि. सांगली) असे मृत्युमुखी पडलेल्या अधिकारी महिलेचे नाव आहे. याप्रकरणी पोलिसांनी एसटी बसचालक अनंत पंजाबराव उईके (वय ३३, रा.नारायणगाव) याला ताब्यात घेतले असून, खडकी पोलीस ठाण्यात याप्रकरणी गुन्हा दाखल करण्यात आला.
पोलिसांनी दिलेल्या माहितीनुसार, मनीषा भोसले आणि त्यांचे पती शासकीय अधिकारी आहेत. त्यांची नुकतीच पुरंदर तालु्क्यात बदली झाली होती. त्या पिंपरीतील चिखली भागात राहणाऱ्या भावााकडे आल्या होत्या. भोसले यांनी हडपसर भागात भाडेतत्वावर घर भाड्याने घेतले आहे. रविवारी सकाळी मोटारीतून भोसले, त्यांचे पती आणि भाऊ हडपसरकडे निघाले होते. एसटी बस शिवाजीनगर स्थानकातून नारायणगावकडे निघाली होती. खडकी रेल्वे स्थानक परिसरात समोरून येणाऱ्या भरधाव एसटी बसने मोटारीला धडक दिली. अपघातात मोटारीच्या दर्शनी भागाचे मोठे नुकसान झाले.अपघातनंतर एसटी बसचालकाचे नियंत्रण सुटल्याने मोटारीला आणि मोटरसायकल धडक दिली.
