अज्ञात चोरट्याने कोंढणपूर फाट्यावरील ब्रिजखाली पार्किंग केलेली दुचाकी चोरली.

खेड शिवापूर :  पुणे सातारा महामार्गावरील हवेली तालुक्यातील कोंढणपूर फाट्या वरील ब्रिज खालून मोटर सायकल चोरून नेल्याची घटना घडली आहे. याबाबत राजगड पोलीस स्टेशनमध्ये तक्रार दाखल करण्यात आली आहे.

पोलिसांनी दिलेल्या माहितीनुसार, शुक्रवार दि. १४/६/२४ रोजी दुपारी ४:३० वाजण्याच्या दरम्यान कोंढणपूर फाटा ता.हवेली जि. पुणे गावच्या हद्दीतील ब्रिज खाली हॅण्डल लॉक करून पार्किंग केलेली हिरो होंडा कंपनीची स्प्लेंडर मोटरसायकल क्रमांक एम एच १२ एजी ०५६१ ही गाडी अज्ञात चोरट्याने भर दुपारी चोरून नेली आहे. म्हणून याबाबत संतोष बापू चोर वय ३५ वर्ष यांनी राजगड पोलीस स्टेशन मध्ये अज्ञात चोरट्या विरुद्ध कायदेशीर फिर्याद दिली आहे.

याचा अधिक तपास राजगड पोलीस स्टेशनचे पोलीस निरीक्षकराजेश गवळी यांच्या मार्गदर्शनाखाली पोलीस हवालदार कोल्हे करीत आहेत.